ازاى تختار الالوان المناسبة ليك فى الصورة ؟
الاول لازم نعرف حاجه مهمه وهى 
اال Color context 
إيه هو ال color context ده ؟

ده ببساطه الفرق بين اللون واللون الاخر ( التناقض contrast )
- ركزوا فى الصورة وفى الدايرة اللى فى النص
شايفين فرق اللون بين كل دايرة هتظهر Soft او bright لما تغير الخلفية بتاعتها وده بيعتمد على ال Contrast او الفرق بين اللون واللون المجاور له .

علشان كدا لازم وانت بتختار الالوان بتاعتك فكر فى الفرق بين الالوان اللى هتختارها
ال Contrast مهم جدا فى اى صورة او ديزاين لكن لازم يبقى محسوب صح

 contrast من خلال العاب   ده موقع لذيذ جدا بيوضح موضوع ال
http://www.michaelbach.de/ot/col-colorFan/index.html

تابعونا 

Colors studio

الفرق بين RGB و CMYK

RGB VS CMYK 
طبعا لو اى حد بيستخدم الفوتوششوب او اى برنامج للدايزين شاف اختيار 
بيقولوا عايز الصورة RGB ولا CMYK 

بشكل مبسط وسريع ايه الفرق ؟
CMYK : إختصار ل
Cyan , Magenta , yellow and key (black )
ال CMYK هى بتستخدم أكتر فى الطباعه وهى بتعنى انك كل لما تحط اللوان أكتر اللون هيتجه للون الاسود ( هيبقى أغمق )
هى عبارة عن اللوان من 0 ل 100
يعنى لو
C = 100 , m = 100 y = 100 , k = 100
اللون هيبقى اسود
ولو كلهم 0 هيبقى أبيض نقى

لكن
RGB
وهو Red , green , blue
وهى بتستخدم أكتر فى مجال الديجيتال و الحاجات اللى بتتعرض على شاشات اليكترونية زى الكمبيوتر
وهى إسمها additive colors يعنى كل لما تضيف كيمة اللوان أكتر كل لما يزداد اللون الابيض
و ال scale بتاعها بيكون من 0 ل 255
يعنى الاسود بيكون عند R=0 , G=0 B=0
والابيض بيكون عند 255

مهم جدا تاخد بالك وانت بتعمل الديزاين وتعرف هيستخدم فى ايه علشان تعرف هتستخدم ايه 

الالوان السخنه والبارده و توازن اللون الابيض Warm VS cold colors & white balance

الالوان السخنه والبارده و توازن اللون الابيض 

يعنى ايه لون سخن ولون بارد ؟
طبعا انتوا عارفين ان كل لون له درحة حرارة وتقاس ب (كيلفن ) 
وكل لما درجة حرارة اللون تقل كل لما اللون هيزداد سخونة ( هيبقى أكثر لون اصفر او برتقالى فى اللون ) وكل لما يزيد اللون هيزداد بروده ( هيطبع عليه اكثر اللون الازرق ) 

طيب ايه هو بئا ال white balance
ده هو توازن درجة حرارة اللون وده الانسب فى الديزاين او فى أى صورة علشان تقدر تشوف الالوان على طبيعتها الاصلية

وده جدول بدرجات حرارة الضوء الطبيعى والصناعى طبعا ضوء الشمس اكثر ضوء سخن باقل درجة حرارة 2000K

نصيحة لتصوير فيديو بالموبيل

ناس كتير وهى بتصور فيديو بالموبيل
بتمسك الموبيل فى وضع ال portrait (بالطول)

لكن فى الحقيقة علشان تصور فيديو صح ويكون شكله كويس المفروض تمسك الموبيل بوضع landscape
علشان الفيديو ينزل كامل فى الشاشة وميبقاش فى جوانب سودا فى الفيديو 
#Colors_hint

تابعونا هنزل مقالات وفيدوهات تعليمية لكل المهتممين بمجال ال media

التكوين فى الصورة "Composition" قاعدة التلت والتلتين Rule of third

  الصورة الحلوة ملهاش قواعد ثابته , لكن فى بعض القواعد اللى بتساعد كتير من المصورين إنهم يطلعوا صورة حلوه 
________________________
التكوين ؟ يعنى إيه التكوين فى الصورة ؟ يعنى ترتيب عناصر الصورة بشكل يناسب رؤية العين 

للتكوين قواعد كتير جدا أشهرهم قاعدة التثليث "الثلث والثلثين " وديه هى تقسيم الصورة

 لجزئين تلت وتلتين  عن طريق خطين بالطول وخطين بالعرض 

يعنى عينك بتركز النقط ديه الاول

خلينا نشوف أمثلة بالصور 

ليه تلت وتلتين ؟

علشان تخلى جزء من الصورة فى تلت والجزء الاكبر اللى عايز تظهره فى الصورة فى  التلتيتن 

 هنا المصور ركز فى التلتين من الصورة على ان هو يظهر البحر بشكل كبير وفى التلت الاخر ظهر غروب الشمس 

وكمان المركب فى مركز من مراكز القوة فى الصورة وده أظهر قوة الصورة 

لو هتصور شخص او حركة شىء فى الصورة لازم تسيب مساحه حركة فى الصورة 

زى كدا 

هنا الطفل عينة فى جهة وفى مساحه حركة أو مساحة لرؤية العين فى الصورة "الجزء اللى على شمال الصورة " ء

هنا الطائر باصص ناحية الشمال والمساحه الفاضية ناحية الشمال علشان يسيب مساحه فى الصورة لرؤية العين 

نفس الكلام لو هتصور حاجه بتتحرك لازم تسيب مساحه حركة ليها فى الصورة

وكمان من الامور الهامة فى التصوير والتكوين  خطوط الافق  فى الصورة

تابعوا مقالاتنا القادمة  هنتكلم عن باقى قواعد تكوين الصورة
.....
تابعونا هنتكلم عن كل ما يخص التصوير و مجال الميديا
تابعونا على فيسبوك Colors studio